ISILIYE MAI ROZ COLLEGE JATA HOON

AKSAR MERE DOST MUJHSE NARAZ HOTE HAIN.
AUR KABHI KABHI TO VO APNA AAPA BHI KHOTE HE.
KEHTE HE SALE COLLEGE ROZ KYO AATA HE.
EK DIN BUNK MARNE ME TERA KYA JATA HE.
KITNA PADNE WALA HO GAYA HE,YE KAHKE TANA KASTE HE.
FIR BHI CT(CLASS TEST) ME FAIL HE,YE KEHKE MUJHPE HASTE HE.
UNKI IN BATON KO MAI SUN KE RAH JATA HOON.
KYOKI APNE AAP KO MAI NIRUTTAR PATA HOON.
KEHNA TO CHAHTA HOON,PAR KEHNE ME SHARMATA HOON.
KI KYO MAIN ROZ COLLEGE JATA HOON.........



PADNE KI TO BAAT NHI,YE TO APNI SAMJH KA PHERA HAI.
BEVKUFO KO SAYAD PATA NAHIN,APNI CLASS ME KUDRAT KI KHUBSURTI KA BASERA HAI.
DIN SAFAL HO JAYE UNKO DEKHKAR YE REHTA KHYAL MERA HAI.
AKSAR UNKI BENCH ME ,MERI NAZRO NE DALA DERA HAI.
LAGTA HE DUNIYA KI KHUBSURTI HAI UNKI MUTTHI ME.
BHAGWAN NE JINKO BANAYA HE,GARMI KI CHHUTTI ME.
AUR EK HUMKO BHAGWAN NE JALDI-JALDI ME BANAYA HE.
HUMPE KALI SHYAHI POTI,GORA RANG TO UNPE LAGAYA HE.
AKSAR JO APNE AAP KO ANGRY GIRL BATATI HE.
AUR AKSAR JO KHUD KO U TANHA-TANHA PATI HE.
USKI HAR TANHAI ME,MAIN KHUD KA SATHI PATA HOON.
AUR SAYAD ISILIYE MAI ROZ COLLEGE JATA HOON.



JAB WO CLASS NHI AATI,CLASS ME MAN KAHAN LAG PATA HAI.
SHORT-STTENDENCE ME UNKA NAAM MAT AA JAYE,YE SOCH KE DIL GHABRATA HAI.
EXAM FORM SE PEHLE HOD ROOM ME,UNKA BULAVA AATA HAI //(DUE 2 SHORT ATTENDENCE)
KYA KEHTE HE HOD SIR,UNKA CHEHRA UTAR JATA HE.
AKSAR UNKI YAAD ME,COLLEGE TIME YU HI GUJAR JATA HAI.
PADAI KYA HUI KHABAR NHI,ATTENDENCE DIYA BAS YAHI YAAD AATA HAI.
APNE RESULT SE PEHLE,UNKE RESULT PE DHYAN JATA HE.
APNE 1ST DIVISION SE UTNI KHUSHI NHI,UNKE GRACE PAS PE BHI DIL MITHAI BATNA CHAHTA HE.
JAB SIR HUME KUCH KEHTE HAI,HUM SUNKAR KHUSH REHTE HAI.
PAR DIL TUT JATA HE,JAB UNKO KUCH KEHTE HAI.
4 SAAL KA SUKH THA YE,JISKO KHONA NHI CHAHTA THA
AUR ISILIYE MAIN ROZ COLLEGE JATA THA.
AUR ISILIYE MAIN ROZ COLLEGE JATA THA .

JARURAT HAI

Thought process:this is d story of 20 years before.if anyone wants a traditional wife(you know very obedient,serving to mother in law n fateher in law).so what type of advertisement he wil write according to his requirement.......
                          
aaj hamari talash me ek bholi bhali surat hai.
ek kalavati ki,ek shrimati ki, aaj humko jarurat hai.
aavedan ke ikchuk,site se form download kare.
aur hamari kundali ke sath sath,hamari mummy ki kundali bhi note kare.
aane se unke mummy ka chhut jaye,chulha chouka.
aur mummy ko bhi mil jaye,bahu ki chugali karne ka mauka.
vaise humari mummy,badi kadak hai, strict hai.
itni budi ho gayi hai,fir bhi puri fit hai.
lekin unki yaddast pe, jor kahan ab chalta hai.
humko kabhi chai me namak,aur dal me shakkar milta hai.
aane se unke agar, khane ki kimat bad jaye.
thoda pichhe hat jana,jab mummy se jhagda bad jaye.
unke datne pe,wo mujpe yun bigad jaye.
par paisa kam karane wo,sabji wali se bhi lad jaye.
aur ek din mummy kah de beta,bahu beti ki hi to surat hai.||2
aise hi ek kalawati ki,shrimati ki,aaj humko jarurat hai.
                                                                                                                                                  
                                        
                                                                                          
                                                                                              
                                                                                      

aajkal babuji ki tabiyat bhi, thik kahan rah pati hai.
uspe bhi hamari mummy, unko davai dena bhul jati hai.
humko unki jarurat hai,jinse hum ummid kare.
babuji agar mitha khaye,to kan khich ke unko thik kare.(means unko samjhaye)
jiske kadmo ke hi pichhe,mere aangan ki raah hai.
mummy papa ko bhi aajkal,naye khilone ki chah hai.
aur agar ho jaye mujhpe, bhagwan ki thodi si daya.
ek din chilla ke kah du,ki "papa mai papa ban gaya".
aur babuji aake kahe,beta bahu, dil se khubsurat hai.||2
aise hi ek kalawati ki,shrimati ki,aaj humko jarurat hai.
                                                                    
                                                                     
                                                              
32 gun nhi mile to,hum 16  se bhi bahut khush hai.
hum bhi kahan ke Barac Obama,ya George W. Bush hai.
lekin suchna galat mili to,hum Osama ban jayenge.
aur shadi ke,dusre din hi aapko aafganistan(mayka) chhod ke ayenge.
prathmikta unki hai,jo jaldi se apply kare.
subah subah jab uth jau,to chai biscuit supply kare.
jab mai nahane jau to,jaldi pani garm kare.
aur jab mai gussa ho jau,to bhigi billi ki tarah dare.
din bhar jo ghar me mujhko,e ji,o ji karti rhe.
aur jab mai khali baitu to,movie jane ko ladti rhe.
jab tak office se na aa jau,jo mera intjaar kare.
ghar ko sar pe chada ke rakhe,aur bachho se itna pyaar kare.
aur ek din padosi ke bachche bhi bole,aunty aap mamta ki murat hai.||2
aise hi ek kalawati ki,shrimati ki,aaj humko jarurat hai.||2

dharti me bhagwan

thought process:as many people believe that,there is no god.some people say there is god,i dont no really what is true..bt what i know about my god is this...


dharti me aane ki,jab aayi meri bari.
saman pack karke,bhagwan ki kar di puri taiyari.
thoda ghabraya,thoda sakpakaya.
aur apne aap ko,thodi uljhan me paya.
kaha,bhagwan mai tanha rah na sakunga.
apni uljhan kisi se kah na sakunga.
bhagwan ne samjhaya,fir gale lagaya..
kaha,bande dharti me meri ab bhi pehchan hai.
aur mujhse bhi bade,do aur bhagwan hai.

yahan jab mai aaya,to maine paya.
kandhe pe bitha ke,kisse suna ke.
sahi rasto pe,jo chalana sikhaya.
padaya likhaya aur kabil banaya.
thoda jo danta,to itna manaya.
sapno ke par laga ke,hausala bada ke,khule aasma me jo udana sikhaya.
jab gir pade kabhi yun ladkhada ke,khud ko unki aanchal me paya.
sang ho hamesha ,jab hum ho akele.
wo bachpan ki galiya,wo gaavo ke mele.
hamare liye wo, kitne taqlif jhele.
hamari balaiyan,jo apne sar pe lele.
ae khuda ab tu,itna sikha de.
wo din naa aaye,jab unka dil dukha de.
ab door unse,ek pal rehna hai mushkil.
kaise bataye,ye kehana hai mushkil.
salamat rhe wo,bas itna aarman hai.
kitna sahi hai,dharti me ab bhi bhagwan hai.
 

BIT TERI YAAD

thought process:as i completed my engg,so whenever i see,any think which make me to say dat ya,dat happen when i was in college.veri small thing like my colleges computers password (student student)makes me to remember the college......n i say BIT TERI YAAD aa jaye
WO LAMBI-LAMBI CLASSES, WO JHAPKIYON KA AANA.
CLASS ME LATE ENTRY, AUR WO BAHANA.
LATE NIGHT STUDY, WO DOSTO KE ROOM ME JAANA.
AUR WO LAST TIME ME PADH KE BHI, PHOD KE NUMBER LANA.
WO BLACK BOARD AUR WO DUSTER.
WO ADHURI CLASS COPY AUR WO ATTENDENCE REGISTER.
BESHAK YAAD NA AAYE.......
PAR PICHLI BENCH KE US CHEHRE PAR, JAB KOHRA SA CHHAA JAYE.
BIT CLASS ROOM TAB TERI YAAD AA JAYE. ||


DOSTO SE LI HUI PARTY, AUR WO MESS KA KHANA.
EK PLATE PARANTHE KE LIYE BHI, LAMBI LINE KA LAGANA.
COFFEE CORNER ME WO, BIRTH DAY PARTY MANANA.
WO DHER SAARI BATEIN, AUR WO BESURA GAANA.
WO DOSTO SE JHIKJHIK, AUR WO CLASS KI PICNIC,
FRESHER WEEK CELEBRATION, AUR JUNIOR SE INTERACTION.
BESHAK YAAD NA AAYE.......
PAR APNI PLATE SE JAB KOI, PARANTHA CHHIN KE KHA JAYE.
BIT CANTEEN AUR CC TAB TERI YAAD AA JAYE. ||


WO CLASS ME PROXY KA PADNA.
MARKS KE LIYE DOSTO SE COMPETITION KARNA.
WO STAND ME GHANTO BATEIN KARNA.
AUR LAST TIME ME EXAM FORM KA BHARNA.
DOSTO SE NIKALA HUA KAAM, AUR SHORT ATTENDANCE ME APNA NAAM.
BESHAK YAAD NA AAYE.......
PAR JAB KOI BIN ADRAK KI FIKI CHAI PILA JAAYE.
BIT SHANKAR TAPRA TAB TERI YAAD AA JAAYE. ||


WO RESULT KE LIYE GHANTO INTEZAAR.
COMPILER ME TURBO C SE PYAR.
WO DHAI GHANTE KI LAB KI CLASS.
HAR PERIOD  BAAD WO PAANI KI PYAAS.
WO BIT KA GYM, RAAT ME RIM TO RIM.
WO DOSTO KE CHEHRE, AUR UNKA PRATIBIMB.
BESHAK YAAD NA AAYE.......
PAR BAJRANG BALI KI JAI, JAB KAANO ME SUNA JAAYE.
BIT SPORTS GROUND, TAB TERI YAAD AA JAAYE. ||

WO LIBRARY KI KITAAB, AUR FUTURE KE BADE BADE KHWAAB.
TEACHER KI HAR BAAT, AUR WO FAREWELL KI RAAT.
BIT KA CRICKET, AUR ADLABS KI TICKET.
DOSTO KE WO VAADE, AUR EMOTIONAL ATYAACHAAR KI BATEIN.
BESHAK YAAD NA AAYE.......
PAR KOI AWAARA PARINDA, JAB APNI MANJIL KO PAA JAAYE.
SETH BAL KRISHN MEMORIAL BIT, TAB TERI YAAD AA JAAYE...
SETH BAL KRISHN MEMORIAL BIT, TAB TERI YAAD AA JAAYE...


DEDICATED TO ALL MY FRIENDS....